Pólitíkin á Íslandi....lýðræði ég veit það nú ekki!

Ja hérna

Var að hlusta mestu sjáflsmærðarræðu Samfylkingaforystu fyrr og síðar. Ja hérna, ætli Samfylkingarfólk hafi setið og hlustað og hlýði nú því sem Jóhanna og Ingibjörg eru búnar að ákveða. Snjallt að tilkynna þetta líka tæpum klukkutíma fyrir framboðsfrest þá kemur enginn svona óþægilegur og óþekkur að til að skemma fyrir þessum ákvörðunum.

Ja hérna og núna eru þær enn að tala um hvað þær eru nú sögulegar. Held ég hætti bara núna;)

En það er alveg ljóst að þær líta á sig sem einhvern bjargvætt þjóðarinnar, þær skulu þá gjöra svo vel að fara gera eitthvað í því að tala um hag heimilanna í landinu og önnur þörf verkefni. Þetta er það sem maður óttaðist að allur tíminn færi í innri baráttu flokkanna um framboð á þessum síðustu og verstu. Hefði það ekki hreinlega verið skárra að láta sjálfstæðisflokkinn klára þetta drullumall sem þeir voru í, ég bara spyr, því manni finnst eins og einu sem eru að hugsa leiðir og koma þeim á framfæri sé framsóknarflokkurinn.

Kveðja af klakanum....

Ísland innan fárra daga!

Jæja þá styttist í heimferðina. Ég er bara að verða spennt...búin að hlakka til og kvíða fyrir á víxl. En Salbjörg sagði við mig um kvöldið að hún ætlaði að reyna að vera dugleg að harka af sér á meðan ég er í burtu....svona í algjörri einlægni og sannfærandi hátt...spurning fyrir hvern aðskilnaðurinn verður erfiðastur. En það lítur út fyrir að þau Ragnar munu hafa hér allt á hreinu...ætla að skrifa matseðla og útbúa nesti á kvöldin!

Annars erum við að bíða eftir svari um hvort Eyhildur fái að byrja núna 1. mars eða 1. apríl í leikskólanum. Hún er búin að fá undanþágu fyrir að byrja mánuði fyrr, en leikskólakennarinn á deildinni sem hún fer á skildi ekki alveg af hverju hún gæti ekki bara komið fyrr! Hún er náttúrulega óvenju fljót til alls og gerir hluti af meiri ákveðni og öryggi en mörg eldri börn. Dagmamman hennar er alveg sammála og sagði að hún var tilbúin að fara í ágúst þegar hún kom til sín...og er þar að auki ekkert búin að taka neinum framförum síðan hún byrjaði hjá sér...nema aðeins málið. En það virðist vera meiri íhaldssemi á þessu sviði með að láta börn byrja fyrr en þegar börn eru að byrja í skóla því einstaklingsmiðað skólastart ætti að geta gengið í báðar áttir. En annars erum við alsæl með hana Kate okkar og erum þvílíkt ánægð með að Sváfnir fari svo þangað. Ég held svei mér þá að ég hefði ekki sent til dagmömmu strax nema af því ég er búin að kynnast henni. Nógu fannst mér þetta erfitt fyrst með Eyhildi...og þá var ég náttúrulega með barn í höndunum sem gæti sennilega farið að búa ef því væri að skipta.

En já, svo bara eitt frá Salbjörgu...sem er augljóslega búin að slíta naflastrenginn. "Mamma má Maiken vera mamma mín þegar þú ert dauð" (notabene bara til död í dönsku þannig það hljómar kannski grófara en það er í huga barnsins) En já, mamma hennar Merle vinkonu er nefnilega ótrúlega stór og það finnst henni sejt. Hún spurði mig í þessu sama samtali hvenær ég yrði eiginlega stór...ég er frekar lítil sko miðað við Maiken ...hún þarf að beygja sig til komast inn um dyrnar (sem er reyndar ekki alveg rétt...en hávaxin er konan). Og lærdómurinn er sem sagt...Stórt er betra....þá á ég bara eina von....á þverveginn!

Svo smá nöldur í lokin....ég er að fara niður í bæ að skipta um banka....já aftur. Þessi banki og þjónustufulltrúi er bara alls ekki að gera sig. Þetta er þessi sem segir að ég þurfi bara að fara að vinna,....hún hafi nú gert það með sín 4 mánaða. Þetta var þegar allt var lokað og læst varðandi peninga frá Íslandi og hún hafði að vísu áhyggjur  af framfærslunni okkar. Svo er okkur augljóslega ekki treyst fyrir Dan korti sem er svona debet með heimild hérna úti en visa kort erlendis, en hún hefur ekki svarað mér tölvupósti í viku. Það ganga allar verslanir fyrir þessu hérna og svo er það mjög hentugt að hafa heima til dæmis með gengið eins og það er. EN já sjáum til hvað nýji þjónustufulltrúinn okkar í nýja bankanum getur gert fyrir okkur. Ég skjallaði hann alla vega í fyrstu setningunni...og það fyrir framan Ragga....sagði bara að hann liti vel út og fékk hann að til að hlæja! Ágætis byrjun...það held ég nú.

Það verður svo bara heitt á einhverju og eitthvað með því flesta daga sem ég verð í Birkifelli...þið verðið að vera dugleg að hafa samband og athuga hvað ég get boðið ykkur upp á í það og það skiptið. Ég verð með gamla gemsanr. hans Ragga.

Góðar kveðjur

Plön heima...

Hæ hæ

Ég er aðeins að reyna að skipuleggja veruna heima :) Og ég ætla nú bara að auglýsa hjá ykkur sem eru mér næst eftir nokkrum hlutum til láns á meðan dvöl minni stendur.

 Og svo megið þið alveg vera dugleg að bjóðast til "passa" Sváfni kannski bara dag og dag (þarf nú aðallega að sitja nálægt honum og rétta honum dót...reyndar kannski pínu að hlaupa og bjarga verðmætum....en voða auðveldur þessi elska!!). En ég sé fram á að þurfa að læra eitthvað hvern dag heima og mun að sjálfsögðu nota svefntímann í það...en stundum verður líka gott að geta lesið aðeins lengur fram á daginn eða einhverja morgna þegar hann er í fullu fjöri  Vona bara að ég muni bæði nýta tíman VEL í náminu og VEL í að hitta mína frábæru vini!

Ég ætlaði reyndar helst ekki að vera á of miklu flakki...ennnnn....óhjákvæmilegt sýnist mér þar sem foreldrar og tengdó eru á Ak og Sau. Birkifell á Laugum og svo þið útum allt.....nei nei...en endilega verið dugleg að boða ykkur í heimsókn til mín því ég veit ekki hvað ég næ að ferðast mikið þennan langa tíma sem varð allt í einu mjög stuttur í kvöld við skipulagninguna HE HE. En ég kem á laugardegi og fer norður á sunnudegi og verð á AK sun-fim/fös. Þá fer ég fyrst austur og verð rúmlega helgina því ég þarf að ná tengdó í vetrarfríi seinnipart þeirrar viku...nema ég nái þeim til mín;) OG svo aftur í Laugar held ég.... og síðustu vikuna á AK hjá m og p. Brjálað flakk strax!

En ég er að spá í bílstól, svefnkerru (kannski tek ég þetta bara með eða leigi....en allt í lagi að athuga hvaða möguleikar eru!) ferðasvefnrúm (Ummm Kristian eigið þið ekki svoleiðis?) matarstól (reikna reyndar með að ræna stólnum af mömmu þegar ég er ekki þar!) hraðsuðuketil og ostaskera! Þetta er reyndar það eina sem mér dettur í hug að mér vanti núna...kannski sæng og kodda fyrir mig...held að flest annað sé heima í húsinu.

Og það verður kannski svona skemmtilega fróðleg lesning framundan um þessi skipulagsmál!!! En ég reikna heldur ekki með að alþjóð sé að lesa þessi lítilfjörlegu vandamál mín HA HA HA

Nokkur fleyg orð síðustu daga og vikur!

Salbjörg:

Af hverju eru englarnir ósýnilegir?

Hvar eru þeir í herberginu mínu?

Hvernig get ég látið þetta í friði....þetta er ekki lifandi!

Mamma þegar ég verð stór ætla ég bara að vera heima hjá mér, eiga börn og gera ekki neitt...eins og þú mamma mín. Kannski lesa eina bók!

 Eyhildur:

Hvað heitir þú? "Allt gott"

Hvernig er maður kurteis? "Talar íslensku"

Nýjustu fréttir...

Já það er ýmislegt að frétta héðan.

Sváfnir tók sitt fyrsta skref í gærkvöldi og svo annað núna í morgun...þannig þetta er allt að koma. Hann verður sennilega farin að ganga þegar við förum til Íslands um miðjan febrúar. Já það er svo annað...við Sváfnir ætlum að bregða okkur í mánuð heim, ég er að fara í skólann, þ.e. tvær lotur. Það verður eflaust mikið að gera hjá mér því ég þarf að vinna hin og þessi verkefni og svo ætla ég að gera rannsóknaráætlunina fyrir Mastersritgerðina mína á þessari önn. Ég er bara að verða spennt fyrir verkefninu, það mun fjalla um siðfræði í skólastofnunum, stjórnenda eða kennara...er ekki búin að fastsetja verkefnið...en það mun fjalla um siðfræði og ég er búin að fá Guðmund H. Frímannsson til að leiðbeina mér. Verkefnið verður 30 einingar þannig ég stefni á að vinna að því næstu tvö árin...það er víst óraunhæft að skrifa það á ári vegna þess að maður þarf að skila því svo snemma inn í yfirlestur. En já spennandi verkefni framundan á þessu sviði.

Annars er allt gott að frétta af okkur hinum. Ég er reyndar nýstigin upp úr veikindum. Ég fékk sýkingu í brjóstið og lá hérna fyrir ca. 10 dögum í eymd og volæði....leið ekkert smá illa og var með brjálæðan hita og læti. En þetta gekk svo fljótt yfir þegar ég fékk pensilín....rándýrt...en það virkaði sko! Svo er ég alveg að fara hætta þessu brjósta stússi...Sváfnir er búinn að bíta mig ansi oft núna...mig minnir einmitt að stelpurnar hafi gert þetta...eitt tvö skipti ... en þessi er alltaf að tékka! Hann er líka orðinn svo vel tenntur...tvær upp og tvær niðri...þannig hann hefur einu sinni náð mér til blóðs....en þegar maður hefur hvort sem er svona mikla verki þá einhvern veginn verður þetta minna vont.

En ég skrifa meira seinna...Raggi kominn heim og við að fara í IKEA að VERSLA með hjálp VISAAAA.

Kveðja í bili

Anita

Gleðilegt nýtt ár og takk fyrir það gamla

Ég þakka öllum nær og fjær fyrir líðandi ár sem var okkur fjölskyldunni einkar gjöfult og gott.

Hæst ber fæðing sonar okkar sem sýndi það strax frá byrjun hversu einstakur hann er. Bæði í útliti og atgervi. Hann er jafn mikill gleðigjafi og eldri systur hans og þökkum við Guði þá miklu blessun sem börnin okkar eru. Mér er þess vegna efst í huga mikið þakklæti á þessum tímamótum, bæði fyrir fjölskylduna okkar og hversu rík við erum af einstökum vinum. Við hugsum í kvöld til fjölskyldunnar, allra þeirra góðu vina okkar sem fagna nýju ári heima, sem og til nýrra vina og kunningja sem við höfum eignast hér úti. Með einlægri ósk um gæfuríkt komandi ár.

 Anita og fjölskylda

Þessi óþekkt kemur beina leið frá þér!

HA HA HA

Þetta er einkunnin sem ég fæ á þessu heimili

Við erum rétt í þessu að klára að borða...ég er uppi að skeina eldri deildinni. Eyhildur er búin að vera með sömu hamborgaratugguna í munninum í hálftíma....hún er svo þver þegar hún ætlar sér eitthvað. Núna vill hún ekki þennan mat og þá fer hann ekki ofan í maga....og þá er hún með tugguna eins og kú í munninum....og japplar á þessu þangað til við gefumst upp!´

 

Já og þá kemur óþekktin frá mér....æi...ætli ég hafi ekki beitt annars konar óþekkt...ekki hljóðlátri ákveðni!

Gleðileg jól nær og fjær

Kæru fjölskylda, vinir og aðrir lesendur bloggsíðunnar miklu!

Við sendum ykkur öllum hlýhugar jólakveðjur og óskum ykkur farsældar á komandi ári.

Hjá okkur er sól og blíða og búið að spyrja hvort það megi opna einn pakka....svona 10 sinnum síðan í morgun. Allir er kátir hér og hlakka mikið til jólanna. Búið að setja hangiketið yfir...það verður samt á morgun....allt á áætlun nema jólakortin góðu sem voru látin sitja á hakanum vegna veikinda....þannig þið ykkar sem fáið ekki kort og mynd fáið hana kannski bara milli jól og nýárs eða ég redda því hérna rafrænu hér á eftir. En hugurinn er sá samið...þið vitið það elskurnar:)

Við hugsum heim og hlustum á jólakveðjurnar í gegnum netið. Heyrumst svo bara í gegnum símann þegar líða tekur á daginn eða kvöldið....ykkur er velkomið að hringja!

 Jóla hjóla kólakveðjur úr Mosevangen 56.

Anita og co.

Jólin nálgast óðum

Hæ bara stutt blogg til að minna á okkur.

Við erum sem sagt hér í allt of hlýju veðri...og enginn norðanbylur...hvernig er hægt að halda jól í svona veðráttu???

En það er hér smá heilsubrestur á heimilinu....ekki alvarlegur sem betur fer....en algjörlega hunddjö....leiðinlegur. Frekar leiðinlegt að halda jól þegar maður finnur ekki lykt...heyrir illa og finnur til við að borða....oohhh...

Samt held ég að ég sé á uppleið þó ég sé búin að vera verri og verri í MARGA daga en Raggi virðist alltaf verða verri og verri. Hann er nú samt búinn að standa sig vel...við höfum tuskast til að laga pínu til, baka alveg 2 sortir og kaupa jólagjafir handa krökkunum. Já þannig í bili er ég nú bara í svona sjálfsvorkunar skapi en Pollýana er ekki langt undan...þetta er nú aðallega leiðinlegt en ekki alvarlegt. Og jólin koma og verða auðvitað frábærlega gleðileg:)

Takk fyrir alla pakkana og kortin að heiman. Ég er reyndar með smá heimþrá...en ekki hin! Þannig er það nú bara. Krakkarnir hafa allt sem skiptir máli og Raggi er eins og börnin, ánægður þar sem við erum og þar með er engu öðru velt fyrir sér! Hollt og gott viðhorf. Og nú hvarf heimþráin!

Halló halló, við erum hérna

Hæ hæ...við erum hérna á lífi.

Var að fatta að það er bara langt síðan ég hef bloggað. En í staðinn er ég búin að taka nokkur símtöl heim. En tíminn líður undarlega hratt hérna....dagur er að kvöldi kominn áður en ég veit af...og þá er ég yfirleitt ekki búin að gera neitt vitrænt af því sem tilstóð að morgni. En sem sé venjulegur dagur í boði Anitu:

Vakna, Mamma ég er vöknuð - lifandi vekjaraklukka ala Eyhildur...það vakna samt alls ekki allir strax....en já fólkið drattast af stað...yfirleitt fer restin af stað þegar feðgin Ragnar og Eyhildur kveðja um hálf átta , búin að öllu á 20 mínútum. Jæja, við hin þurfum svona minnst einn og hálfan tíma...og þá er Sváfni svona tæplega sinnt....Já...stundum labba ég....stundum fer ég í ræktina á eftir...stundum heim að slæpast eða í kaffi til vinkvenna. Það er mömmumorgun einu sinni í viku...búin að stunda það all reglulega...og það eru að verða mömmu dagar....já, og svo þarf maður stundum í bæinn að útrétta fyrir heimilið eða versla...þannig að fljótlega þarf að fara sækja liðið aftur....og þá veit ég ekki hvað verður af tímanum...en það er matur, ganga frá einhverju og svo hátta liðið. Yfirleitt fær svo Salbjörg hyggestund með mér kvöldin.

Fórum í jólatrjáar leiðangur um síðustu helgi...mjög gaman og borðuðum svo eplaskífur á eftir hér heima....umm... Já´eg er búin að kaupa svona eitthvað ódýrt jólaskraut til að redda jólunum þar sem allt slíkt gleymdist heima....frekar dapurlegt....en Pollýana á það og börnin látin framleiða eitthvað í staðinn. Svo fær maður bara lánað eitthvað ... he he...munið eftir morgunblaðsauglýsingunni...gæinn sem fór á milli hæða og fékk lánað þar til hann átti í matinn!

Annars er smá lumbra í fólkinu þessa dagana, Eyhildur var veik á mánudag og þriðjudag og við hin eldri erum eitthvað xxxxxleg. Já og Eyhildur fer í blóðprufur væntanlega í fyrramálið til að tékka á fæðuofnæmi, vegna þess að hún hefur alltaf svo miklar magapínur...vonandi kemur það í ljós fyrir jól svo við getum hjálpað henni eitthvað.

Læt þetta duga að sinni...er að vinna í jólakortunum, var í Árhúsum í dag...svona stelpuferð voða gaman...bestu kveðjur heim.

Anita og co.